លោក កឹម សុខា ទទួលជួបឯកអគ្គរាជទូតនៃព្រះរាជាណាចក្រ ស៊ុយអ៊ែត

នៅព្រឹកថ្ងៃពុធ ទី២៩ ខែមិថុនា ឆ្នាំ២០១៦ លោកស្រីអាណាម៉ាច ហ៊ុលហ្កាដ (Anna Maj Hultgård) ឯកអគ្គរាជទូតនៃព្រះរាជាណាចក្រ ស៊ុយអ៊ែត(Kingdom of Sweden) និង សហការីបានមកជួបពិភាក្សាការងារជាមួយមន្រ្តីគណបក្សសង្រ្គោះជាតិ ដឹកនាំដោយ លោក កឹម សុខា ប្រធានស្តីទីគណបក្សសង្រ្គោះជាតិ នាទីស្នាក់ការកណ្តាលគណបក្សសង្កាត់ចាក់អង្រែលើ

ខណ្ឌមានជ័យ រាជធានីភ្នំពេញ ។

ក្នុងជំនួបនេះ ភាគីទាំងពីរបានពិភាក្សាអំពី វិបត្តិនយោបាយដែលកំពុងកើតឡើង។ ក្នុងឱកាសនោះលោក កឹម សុខា ក៏បានថ្លែងអំណរគុណដល់ប្រទេសស៊ុយអែត និងសហភាពអឺរ៉ុប ដែលបាននិងកំពុងយកចិត្តទុកដាក់លើដំណើរការប្រជាធិបតេយ្យក្នុងប្រទេសកម្ពុជា។ តាមរយៈលោកស្រីឯកអគ្គរាជទូតប្រចាំកម្ពុជា លោក ប្រធានស្តីទី បានស្នើសហភាពអឺរ៉ុប បន្តជួយដល់ដំណើរការបោះឆ្នោតនៅកម្ពុជានាពេលខាងមុខនេះ ឲ្យមានលក្ខណៈសេរី ត្រឹមត្រូវ និងយុត្តិធម៌ ដែលអាចទទួលយកបានគ្រប់ភាគី៕

 ប្រភព៖ cnrp7.org