 |
| កិច្ចប្រជុំសភាអនុម័តសេចក្តីព្រាងច្បាប់ចំនួន៣ ពាក់ព័ន្ធនឹងប្រព័ន្ធតុលាការ កាលពីថ្ងៃទី២២ ខែឧសភា ឆ្នាំ២០១៤។ RFA/Yeang Socheametta |
រដ្ឋសភាគ្រោងបើកកិច្ចប្រជុំគណៈកម្មាធិការ
អចិន្ត្រៃយ៍នៅថ្ងៃច័ន្ទ ទី១៨ ខែកក្កដា វេលាម៉ោង ៩ព្រឹក
នៅវិមានរដ្ឋសភា។ សេចក្ដីជូនដំណឹងរបស់នាយកដ្ឋានព័ត៌មាននៃរដ្ឋសភា
ឲ្យដឹងថា លោក ហេង សំរិន ប្រធានរដ្ឋសភា នឹងដឹកនាំកិច្ចប្រជុំនេះ។
សេចក្ដីជូនដំណឹងនៅថ្ងៃទី១៧ កក្កដា នេះ មិនបានបញ្ជាក់ពីរបៀបវារៈនៃកិច្ចប្រជុំនោះទេ។
ទោះបីជាយ៉ាងណា អ្នកនាំពាក្យរដ្ឋសភា
និងជាអគ្គលេខាធិការរដ្ឋសភា លោក ឡេង ប៉េងឡុង ប្រាប់វិទ្យុអាស៊ីសេរី
នៅថ្ងៃទី១៥ ខែកក្កដា ថា របៀបវារៈនៃកិច្ចប្រជុំនោះរួមមាន
ការពិភាក្សាពីច្បាប់ចំនួន៤ ដែលមួយទាក់ទងនឹងវិស័យសុខាភិបាល
និងបីទៀត
ស្ដីពីពីកិច្ចព្រមព្រៀងជាមួយសមាគមប្រជាជាតិអាស៊ីអាគ្នេយ៍ ឬអាស៊ាន។
បន្ថែមពីនេះ
រដ្ឋសភានឹងពិភាក្សាលើលិខិតសំណួររបស់គណបក្សសង្គ្រោះជាតិ
ចំនួនពីរច្បាប់។ ទី១ គឺករណីលោក សម រង្ស៊ី
ប្រធានគណបក្សសង្គ្រោះជាតិ ដែលកំពុងនិរទេសខ្លួនទៅក្រៅប្រទេស
ដែលលោកជាប់បណ្ដឹងពីតុលាការស្ទើរតែនៅគ្រប់អាណត្តិបោះឆ្នោតម្ដងៗ។
ចំណុចទី២
ស្ដីពីច្បាប់ដែលអនុញ្ញាតឲ្យតុលាការបន្តនីតិវិធីចំពោះតំណាងរាស្ត្រ
ករណីលោក សម រង្ស៊ី លោក កឹម សុខា និងលោក អ៊ុំ សំអាន
ព្រមទាំងករណីលិខិតសំណើរបស់តុលាការ
ដែលសុំដកអភ័យឯកសិទ្ធិអ្នកតំណាងរាស្ត្រគណបក្សសង្គ្រោះជាតិ ចំនួន
២រូប។
លិខិតរបស់រដ្ឋមន្ត្រីក្រសួងយុត្តិធម៌ លោក អង្គ
វង្ស វឌ្ឍានា ចុះថ្ងៃទី៣០ ខែមិថុនា ស្នើប្រធានរដ្ឋសភា លោក ហេង សំរិន
ដកអភ័យឯកសិទ្ធិសភាតំណាងរាស្ត្រ លោក តុ វ៉ាន់ចាន់ និងលោក ពិន រតនា។
សំណើនោះជាការឆ្លើយតបចំពោះលិខិតរបស់អយ្យការអមសាលាដំបូងរាជធានី
ភ្នំពេញ ដែលថា អ្នកតំណាងរាស្ត្រទាំង ២រូប
កំពុងជាប់សង្ស័យក្នុងបទល្មើសព្រហ្មទណ្ឌតាមមាត្រា២៨៤
នៃក្រមព្រហ្មទណ្ឌ។ អ្នកទាំងពីរ
ត្រូវតុលាការក្រុងភ្នំពេញកោះហៅកាលពីថ្ងៃទី១៦ ខែឧសភា
ឲ្យចូលបំភ្លឺក្នុងសំណុំរឿងសញ្ចារកម្ម
ពាក់ព័ន្ធរឿងអាស្រូវស្នេហារវាងលោក កឹម សុខា និងអ្នកនាង ខុម
ចាន់តារាទី ហៅ ស្រីមុំ៕
2016-07-17 ដោយ សាន សែល
No comments:
Post a Comment