ទស្សនិកជនស្រក់ទឹកភ្នែកអាណិត កញ្ញាពៅ បញ្ញាពេជ្រ ពេលឃើញនាងឡើង ច្រៀងលើឆាកយប់មិញ...!(មានវីដេអូ)

ភ្នំពេញ៖ កាលពីរាត្រីថ្ងៃទី១៨ វិច្ឆិកា យប់មិញនេះនៅក្នុងការប្រគុំតន្រ្តីប៉ូការីស្វេត (Pocari Sweat) របស់ស្ថានីយ៍ទូរទស្សន៍ប៉ុស្តិ៍ CNC កញ្ញា ពៅ បញ្ញាពេជ្រ តារាចម្រៀងស្រីសម្លេងផ្អែមស្រទន់ និង idol នៅក្នុងបេះដូងមហាជនជាច្រើន បានឡើងមកបកស្រាយបទចម្រៀងយ៉ាងលន្លង់លន្លោច ដោយនាងអង្គុយនៅលើកៅអី ហើយនេះក៏ជាដំបូងបំផុតក្នុងជីវិត ចាប់តាំងពីពេលដែលកញ្ញា ត្រូវបានទទួលការបាញ់ប្រហារពីសំណាក់ពួកខ្មាន់កាំភ្លើង។ ថ្វីត្បិតតែបានបែកចេញពី សង្គមសិល្បៈអស់រយៈពេលជិត១០ឆ្នាំកន្លងមក ប៉ុន្តែទឹកដមសម្លេងរបស់កញ្ញា ពៅ បញ្ញាពេជ្រ ហាក់ដូចជានៅដដែលគ្មានប្រែប្រួលទេ។
ក្រោយការបកស្រាយបទច្រៀងចប់ ធ្វើឱ្យទស្សនិកជន កំពុងទស្សនាជាច្រើនរំភើបស្រក់ទឹកភ្នែក ពេលឃើញកញ្ញាពេជ្រ ត្រឡប់មកច្រៀងដូចកាលពីមុនវិញ ហើយនៅក្នុងនោះ មានអ្នកគាំទ្រជាច្រើនបានផុសរូបស្រស់ទឹកភ្នែក និងចូលមក Comment ថាយំហើយយប់មិញ ពេលឃើញកញ្ញា ពៅ បញ្ញាពេជ្រ អាចវិលមកច្រៀងវិញបានទាំងខ្លួនអង្គុយ
នៅលើកៅអីនៅឡើយ ពីក្រោមវីដេអូចម្រៀងរបស់ពៅ បញ្ញាពេជ្រ ដែលគេបង្ហោះចូលក្នុងបណ្ដាញទំនាក់ទំនងសង្គម ។ មិនតែប៉ុណ្ណោះពួកគេព្រមទាំងបានផុសពាក្យជូនពរយ៉ាងច្រើនទៀត សូមឱ្យកញ្ញា ពៅ បញ្ញាពេជ្រ ឆាប់ជាសះស្បើយពីជំងឺនេះ និងឆាប់អាចដើរបានដូចធម្មតា ដើម្បីមកច្រៀងកំដរអារម្មណ៍ពុកម៉ែបងប្អូន ដែលនិយមគាំទ្រសម្លេងរបស់កញ្ញាទាំងអស់គ្នា តាំងពីដើមមក។
ចង់ដឹងថា កញ្ញា ពៅ បញ្ញាពេជ្រ កាលពីយប់មិញឡើងបកស្រាយ បទចម្រៀងអ្វីខ្លះ? តោះទៅស្តាប់ទាំងអស់គ្នា៖ 

ប្រភព៖ Khmerload