អ្នកតំណាងរាស្រ្ដសង្រ្គោះជាតិចុះចែកលិខិតប័ណ្ណគោលនយោបាយគណបក្សតាមខ្នងផ្ទះ ដើម្បីជម្រុញឲ្យប្រជាពលរដ្ឋបោះឆ្នោតអោយគណបក្សសង្រ្គោះជាតិ

អ្នកតំណាងរាស្រ្ដគណបក្សសង្រ្គោះជាតិខេត្ដព្រៃវែងរួមជាមួយយុវជននិងសកម្មជនសង្រ្គោះជាតិ

បានចុះធ្វើយុទ្ធនាការតាមខ្នងផ្ទះចែកខិតប័ណ្ណនិងពន្យល់ពីគោលនយោបាយគណបក្សសង្រ្គោះ

ជាតិ ដោយជម្រុញឲ្យប្រជាពលរដ្ឋប្រើប្រាស់សិទ្ធិរបស់ខ្លួនឲ្យបានត្រឹមត្រូវដោយកុំអោយមានការ

ភ័យខ្លាចក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់ថ្ងៃទី០៤ ខែមិថុនា ឆ្នាំ២០១៧ខាង

មុខនេះ ដើម្បីជ្រើសរើសមេឃុំពិតក្នុងការដឹកនាំឃុំសង្កាត់។ នៅក្នុងយុទ្ធនាការចុះជួបជាមួយ

ប្រជាពលរដ្ឋតាមខ្នងផ្ទះនៅឃុំតាកោ ស្រុកពោធិ៍រៀង ខេត្តព្រៃវែងនៅថ្ងៃទី២៧ ខែឧសភា ឆ្នាំ២០១៧នេះ អ្នកតំណាងរាស្រ្ដគណបក្សសង្រ្គោះជាតិ៣រូប លោក យ៉ែម បុញ្ញឫទ្ធិ ប្រធានក្រុម

ការងារ លោក គង់ បូរ៉ា អនុប្រធានក្រុមការងារ និងលោក ឡាត់ លិតេយ្យ បានដឹកនាំក្រុមយុវជន និងបេក្ខជនឃុំចុះពន្យល់គោលនយោបាយអាទិភាពរបស់គណបក្សសង្រ្គោះជាតិជូនប្រជាពលរដ្ឋ

នៅតាមភូមិទាំង៧ នៃឃុំតាកោ ដើម្បីបោះឆ្នោតឲ្យមេឃុំគណបក្សសង្រ្គោះជាតិដឹកនាំឃុំ ប្រកបដោយស្មារតីទទួលខុសត្រូវខ្ពស់ចំពោះប្រជាពលរដ្ឋមូលដ្ឋាន។ ជាមួយគ្នានោះដែរ

 លោកស្រី ផាន់ សេត បេក្ខនារីមេឃុំគណបក្សសង្រ្គោះជាតិលើកឡើងថាពេលដឹកនាំឃុំលោកស្រី

នឹងមិនរើសអើង មិនពុករលួយទេ តែផ្ទុយទៅវិញលោកស្រីនឹងធ្វើជាមេឃុំស្អាតស្អំ ផ្ដល់សេវា

សាធារណៈជូនប្រជាពលរដ្ឋឲ្យលឿន ឆាប់រហ័ស និងប្រកបដោយគុណភាពផងដែរ ហើយលោកស្រីបន្ដទៀតថា សូមប្រជាពលរដ្ឋឃុំតាកោ បោះឆ្នោតឲ្យគណបក្សសង្រ្គោះជាតិ

ឃុំតាកោដែលមានរូបសញ្ញាព្រះអាទិត្យ ដើម្បីការអភិវឌ្ឍន៍នៅភូមិឃុំទាំងអស់គ្នា។ គួរបញ្ជាក់ថា 

គណបក្សសង្រ្គោះជាតិខេត្តព្រៃវែងចុះពង្រឹងមូលដ្ឋាននិងផ្សព្វផ្សាយគោលនយោបាយដល់ប្រជា

ពលរដ្ឋទាំងទាំង១៣ស្រុកក្រុង និង១១៦ឃុំ-សង្កាត់ ដើម្បីលើកកំពស់សិទ្ធិអំណាចប្រជាពលរដ្ឋ ជីវភាព ការផ្ដល់សេវាសាធារណៈនានា សន្ដិសុខនិងការផ្ដល់មធ្យោបាយពិតនៅពេលខ្លួន

ឈ្នះឆ្នោតដឹកនាំឃុំ សង្កាត់ និងរាជរដ្ឋាភិបាល ដើម្បីការរីកចម្រើនពិតនៅកម្ពុជា៕

ដោយៈ សស៊ីណា!

ប្រភព៖ CNRP 7