 |
រដ្ឋមន្ត្រីក្រសួងអប់រំយុវជន និងកីឡា លោក ហង់ ជួនណារ៉ុន
ថ្លែងក្នុងសន្និសីទអន្តរជាតិថ្នាក់តំបន់អាស៊ី-ប៉ាស៊ីហ្វិក
នៅខេត្តសៀមរាប កាលពីថ្ងៃទី១ ខែមីនា ឆ្នាំ២០១៧។ RFA/Hang Savyouth
|
រដ្ឋមន្ត្រីក្រសួងអប់រំលោក ហង់ ជួនណារ៉ុង ថ្លែងដូចនេះក្នុងសន្និសីទព័ត៌មាន នៅថ្ងៃទី១០ ខែកក្កដា ដោយអំពាវដល់សិស្សានុសិស្សទាំងអស់ ជៀសវាងលាក់ទុកជាប់ខ្លួននូវឧបករណ៍អេឡិកត្រូនិចគ្រប់ប្រភេទ និងវិញ្ញាសារ ចូលក្នុងមណ្ឌល ឬបន្ទប់ប្រឡងជាដាច់ខាត។ គោលការណ៍សំខាន់ៗដែលត្រូវពង្រឹងរួមមាន ការពារមិនឲ្យបែកធ្លាយវិញ្ញាសា ការមិនអនុញ្ញាតឲ្យយកសំណៅឯកសារ
ឧបករណ៍អេឡិកត្រូនិចចូលក្នុងបន្ទប់ប្រឡង ឬអ្នកប្រឡងជំនួសជាដើម។
លោករដ្ឋមន្ត្រីអះអាងថា ការយកសំណៅឯកសារ និងឧបករណ៍អេឡិកត្រូនិចចូលក្នុងបន្ទប់ប្រឡង ឬប្រឡងជំនួសនឹងត្រូវធ្លាក់ដោយស្វ័យប្រវត្តិ។ ចំពោអ្នកប្រឡងជំនួសវិញនឹងត្រូវទទួលទោសតាមផ្លូវច្បាប់ជាធរមានដែរ។
ការប្រឡងសញ្ញាប័ត្រមធ្យមសិក្សាទុតិយភូមិ ឬបាក់ឌុបនៅឆ្នាំ២០១៧នេះ មានបេក្ខជនប្រឡងទូទាំងប្រទេសជាង ១០ម៉ឺននាក់ (១០៣,១១២) និងមណ្ឌលប្រឡងជិត២០០ (១៧៨)។
រដ្ឋមន្ត្រីរូបនេះបានពង្រឹង និងកែទម្រង់វិស័យអប់រំ ដោយចាប់ផ្ដើមពីសម័យប្រឡងបាក់ឌុបឆ្នាំ២០១៤មក ហើយលោកចេញនូវសុភាសិតមួយថា អ្នកចេះគឺជាប់៕
ប្រភព៖ RFA Khmer
No comments:
Post a Comment