អ៊ីស្រាអ៊ែល បញ្ជាទិញយន្តហោះចម្បាំង «F-35» 17គ្រឿងបន្ថែមទៀត....

អ៊ីស្រាអ៊ែលទិញយន្តហោះចម្បាំងប្រភេទF-35 ប្រមាណជា 17គ្រឿងទៀត

បរទេសៈ រដ្ឋមន្ត្រី ការពារជាតិថាអ៊ីស្រាអ៊ែលបានសម្រេចចិត្តបញ្ជាទិញយន្តហោះចម្បាំងប្រភេទF-35 ប្រមាណជា 17គ្រឿងទៀតក្រោយពេល ដែលធ្លាប់បានបញ្ជាទិញយន្តហោះប្រភេទនេះប្រមាណជា 33គ្រឿងរួច មកហើយក្តី។

គួររំលឹកថាប្រទេសអ៊ីស្រាអ៊ែល ទើបតែបានស្វាគមន៍នូវយន្តហោះប្រភេទនេះ ប្រមាណជា5គ្រឿង ដែលជាផលិតផលរបស់ក្រុមហ៊ុន (Lockheed Martin) កាលពីខែធ្នូកន្លង ទៅហើយវាគឺជាយន្តហោះ ដែលមានតម្លៃថ្លៃបំផុតនៅក្នុងប្រវត្តិសាស្ត្រ របស់កងកម្លាំងយោធារបស់ប្រទេសរបស់ខ្លួន ហើយអ៊ីស្រា អ៊ែលបានបញ្ជាក់ពីគោលជំហរក្នុងការទិញយន្តហោះប្រភេទនេះថា ដើម្បីធានាឲ្យមានសន្តិសុខនៅក្នុងតំបន់មជ្ឈឹមបូពា៍ជាពិសេសជាមួយ នឹងការកើនឡើងនៃការប្រើប្រាស់នូវអាវុធប្រភេទ S-300របស់ ប្រទេសអ៊ីរ៉ង់ដែលទើបតែបានទិញមកពីរុស្សី។

បើទោះបីជាការបញ្ជាទិញ សរុបចុងក្រោយគឺមានទៅដល់50គ្រឿង ទាំង17គ្រឿង ក្រោយនិង 33គ្រឿងមុនប៉ុន្តែតម្លៃរបស់វាមានតម្លៃខុសគ្នាខ្លះផងដែរ ដោយសារតែក្រោយមានការទិះតៀន ពីសំណាក់លោកប្រធានាធីបតីអាមេរិកដូណាល់ត្រាំទៅលើការ ចំណាយក្នុងការផលិតរបស់យន្តហោះ ប្រភេទនេះប៉ុន្តែគេជឿជាក់ថាអ៊ីស្រាអ៊ែល នឹងត្រូវចំណាយជាមធ្យមសម្រាប់យន្តហោះមួយគ្រឿង គឺប្រមាណជា110លានដុល្លារ៕
ប្រភព៖ khmerplus.com