តាកែវជាទឹកដីបណ្តុះនូវឥស្សរជនជាន់ខ្ពស់

ឯកឧត្តមបណ្ឌិតសភាចារ្យ សុខ អាន

មិនខុសពីខេត្តផ្សេងៗដ៏ទៃទៀតក្នុងប្រទេស តាកែវជាទឹកដីបណ្តុះនូវឥស្សរជនជាន់ខ្ពស់ អ្នកប្រាជ្ញ អ្នកនយោបាយ អ្នកកវី តារាភាពយន្ត អ្នកជំនួញ អ្នកសិល្បះបុរាណ សម័យ អ្នកតស៊ូរបស់ជាតិ និងអ្នក និពន្ធល្បីល្បាញនៅក្នុងប្រវត្តិសាស្រ្ត គ្រប់សម័យកាល តាំងពីបុរាណរហូតមកដល់បច្ចុប្បន្ន។ ខ្ញុំសូម បង្ហាញនូវវីរជន និងឥស្សរជនជាន់ខ្ពស់មួយចំនួន ដែលលោកបានប្រសូតក្នុងទឹកដីខេត្តតាកែវ៖

ឯកឧត្តមបណ្ឌិតសភាចារ្យ សុខ អាន ប្រសូតក្នុងស្រុកគិរីវង្ស ជាឧបនាយករដ្ឋមន្ត្រីទទួលបន្ទុកទីស្តីការគណរដ្ឋមន្ត្រី។

លោកតាបណ្ឌិត កុល ផេង ប្រសូតក្នុងស្រុកសំរោង អតីតជាទេសរដ្ឋមន្ត្រី និងជារដ្ឋមន្ត្រីក្រសួងអប់រំយុវជន និងកីឡា និងជាបិតាស្ថាបនិកនៃសាកលវិទ្យាល័យបញ្ញាសាស្ត្រកម្ពុជា។

 

ឯកឧត្តម ប៉ែន សុវណ្ណ នាយករដ្ឋមន្រ្តីទី១ នៃរបបសាធារណរដ្ឋប្រជាមានិតកម្ពុជា។ ប្រសូតក្នុងស្រុកត្រាំកក់ តាកែវ។

លោកឧកញ៉ា វិបុលរាជសេនា នូ កន ប្រសូតក្នុងស្រុកត្រាំកក់ អង្គតាសោម តាកែវ ជាឥស្សរជន ជាអ្នកនិពន្ធដ៏ឆ្នើម ជាអ្នកបកប្រែរឿងសាមកុក ទាវឯក តុងឈិន។

លោកបណ្ឌិត សារិន ឆាក ឥស្សរជនជាន់ខ្ពស់ដ៏ល្បីល្បាញក្នុងជំនាន់សង្គមរាស្រ្តនិយម។ ប្រសូតក្នុងស្រុកព្រៃកប្បាស ខេត្តតាកែវ។ បើគេនិយាយពីផែនទីរបស់ប្រទេសកម្ពុជា គឺគេត្រូវនឹកឃើញដល់លោកមុនគេបង្អស់។

លោកបណ្ឌិត កែម ឡី វរជនសម្តីមាសតំណាងឱ្យ សេរីភាពនៃការបញ្ចេញមតិក្នុងដួងចិត្តប្រជាពលរដ្ឋខ្មែរ ប្រសូតក្នុងស្រុកត្រាំកក់ តាកែវ។

ឯកឧត្តម កឹម សុខា អនុប្រធានគណបក្សសង្រោះជាតិ ប្រសូតក្នុងស្រុកត្រាំកក់ តាកែវ។

សាំង សំណាងង៉ោ តារាភាពយន្តថ្នាក់អន្តរជាតិទទួលបានពានរង្វាន់អូស្កា ប្រសូតក្នុងស្រុកបាទី តាកែវ។

តាម៉ុកកើតនៅឆ្នាំ ១៩២៦ នៅខេត្តតាកែវ  តាម៉ុកបានបួសរៀនជាច្រើនឆ្នាំ ហើយបានរៀបកាជាមួយប្អូនជាដូនមួយឈ្មោះ អ៊ុក ឃឹម ហើយមានកូនបួនអ្នក ។ នៅឆ្នាំ ១៩៤៩ តាម៉ុកធ្វើជាប្រធានឥសរៈស្រុក្នុងខេត្តតាកែវ ។ តាម៉កបានចូលជាសមាជិកក្រុមកុម្មនីស្ត នៅឆ្នាំ ១៩៦៣ ។ ពីឆ្នាំ ១៩៦៨ ទៅឆ្នាំ ១៩៧៨ តាម៉ុកជាលេខាភូមិភាគនិរតី ។ នៅខែវិច្ឆកា ឆ្នាំ​ ១៩៧៨ តាម៉ុកត្រូវបានតែងតាំងជាអនុលេខាទូពីរបក្សកុម្មនីស្តកម្ពុជា ។ បន្ទាប់ពីកាដួលរលំរបស់កម្ពុជាប្រជាធិបតិយ្យ តាម៉ុកមិនដែលស្នើសុំកាលើកលែងទោស ហើយមិនដែលមានបំណងចុះចូលជាមួយរដ្ឋាភិបាលទេ ។ តាម៉ុកត្រូវបានចាប់ខ្លួនដោយកងទាប់រដ្ឋាភិបាលនៅក្បែរព្រំដែនថៃ នៅ​ខែ​មិនា ឆ្នាំ ១៩៩៩ ហើយដាក់ក្នុងមន្ទីឃុំឃាំង ។ តា ម៉ុកស្លាប់ដោយជំងឺនៅថ្ងៃទី ២១ ខែកក្តា ឆ្នាំ ២០០៦ ៕

ប្រភព៖ News Takeo