ខេត្តស្ទឹងត្រែង ៖ សេចក្តីរាយការណ៍ឱ្យដឹងថា បុរសម្នាក់ត្រូវកម្លាំងនគរបាលស្រុកថាឡាបរិវ៉ាត់ធ្វើការឃាត់ខ្លួន កាលពីថ្ងៃទី១៩ ឧសភា ក្រោយពីជននេះបានទៅនិយាយប្រាប់ចំក្រុមគ្រួសារសាច់ញាតិរបស់ខាងនារីរងគ្រោះថា «បានដេកជាមួយនាងនោះ» ។
ប្រភពឱ្យដឹងថា ជនសង្ស័យខាងលើ ឈ្មោះផិត ម៉ៅ អាយុ៣៥ឆ្នាំ រស់នៅភូមិកោះហិប ឃុំអូរស្វាយ ស្រុកថាឡាបរិវ៉ាត់ ខេត្តស្ទឹងត្រែង (ត្រូវចាប់ខ្លួនពីបទរំលោភសេពសន្ថវៈ) រីឯខាងនារីរងគ្រោះ មានអាយុ១៤ឆ្នាំ ។
ប្រភពបន្តថា រឿងរ៉ាវអស់ទាំងនេះ ត្រូវបានលេចឮដល់អាណាព្យាបាលខាងស្រី និងឮទៀតថា «លើកកូនឱ្យខ្លួនទៅ ព្រោះខ្ទេចខ្ទីអស់ហើយ» ក៏បានទៅប្តឹងនគរបាលឱ្យចាប់ខ្លួនជននេះតែម្តង ។ បច្ចុប្បន្ន ជនសង្ស័យត្រូវបានសមត្ថកិច្ច កសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមច្បាប់ ។
ប្រភព : កោះសន្តិភាព
No comments:
Post a Comment