កោះ Guam មានផ្ទៃដី ៥៥០គីឡូម៉ែត្រការ៉េ
និងប្រជាជនរស់នៅប្រមាណ ១៦ម៉ឺននាក់។ កោះនេះ
ជាទឹកដីរបស់អាមេរិកនៅមហាសមុទ្រប៉ាស៊ីហ្វិក ដោយមានចម្ងាយប្រមាណ ២
៤០០គីឡូម៉ែត្រ ពីក្រុងព្យុងយ៉ាង របស់កូរ៉េខាងជើង។
ហេតុអ្វីបានជាកូរ៉េខាងជើង ព្រមានវាយប្រហារកោះ Guam?
កោះ Guam ជាមូលដ្ឋានកងទ័ពអាមេរិក ដែលមានទាំងកងទ័ពជើងទឹក
និងកងទ័ពអាកាស ហើយផ្ទៃដី មួយភាគបីនៃកោះនេះ
ត្រូវបានគ្រប់គ្រងដោយកងទ័ព។ ចំណុចពិសេសរបស់កោះ Guam នេះ
គឺជាមូលដ្ឋានកងទ័ពអាកាសអាមេរិក
ដែលផ្ទុកយន្តហោះទម្លាក់គ្រាប់បែកប្រភេទ B52 យន្តហោះទម្លាក់គ្រាប់បែក
B-1B និងយន្តហោះចម្បាំងជាច្រើនគ្រឿង។ ដូច្នេះហើយ
ទើបអាមេរិកបានចាត់ទុកកោះ Guam នេះ ជានាវាផ្ទុកយន្តហោះអចល័ត
និងជាអចិន្ត្រៃយ៍របស់ខ្លួន នៅមហាសមុទ្រប៉ាស៊ីហ្វិក
ដែលអាចធ្វើអន្តរាគមន៍ជួយដល់សម្ព័ន្ធមិត្តរបស់ខ្លួនបានភ្លាមៗ
នៅក្នុងតំបន់នោះ។ ចំណែកចំនួនកងទ័ពអាមេរិកនៅលើកោះនេះ
មានចំនួនប្រមាណ ៦ពាន់នាក់។
សូមបញ្ជាក់ថា ជាញឹកញាប់
រាល់ពេលដែលកូរ៉េខាងជើងបានបាញ់សាកល្បងមីស៊ីល
អាមេរិកតែងតែបញ្ជូនយន្តហោះទម្លាក់គ្រាប់បែកពីកោះ Guam នេះ
ហោះទៅលើដែនអាកាសឧបទ្វីបកូរ៉េ៕
ប្រភព៖
ABC.net , Kley Kley
No comments:
Post a Comment