ឆាវឆាវនិយាយថា ប្រជាជនតូចតាចគ្មានសិទ្ធិនិយាយពាក្យថា យុត្តិធម៌ទេ

ឆាវឆាវ ក្នុងរឿងសាមកុក មានប្រសាសន៍ថា "ប្រទេសច្របូកច្របល់ ជនតូចតាចគ្មានសិទ្ធិនិយាយពាក្យយុត្តិធម៌ជាមួយអ្នកធំឡើយ"។ បណ្តាអ្នកស្នេហាជាតិមានឧត្តមគតិ ឆន្ទៈ តែខ្វះអំណាច មិនគួរឱបដៃឈរ​មើល​ភាពអយុត្តិធម៌ក្នុង​សង្គម ឈរមើលអ្នកធំបំផ្លាញផលប្រយោជន៍ជាតិ សម្លាប់ទឹកចិត្តពលរដ្ឋស្លូត​ត្រង់នោះ​ទេ។

ជនជាតិជី្វហ្វពោលថា "យើងមិនត្រូវគិតថា ភាពអយុត្តិធម៌ក្នុងសង្គមបានមក​ពីផលកម្មដែល​ពួកយើង​បានប្រព្រឹត្តិពីជាតិមុនមកនោះទេ"។ ជាក់ស្តែងយើងជាម្ចាស់ប្រទេស ជាអ្នកតស៊ូដើម្បី​បានសេរីភាព និង ភាពរុងរឿង អំណាចនិយមបំផ្លាញយុត្តិធម៌ ចាំបាច់យើងម្នាក់ៗ​ត្រូវតែប្រយុទ្ធ​កម្ចាត់​វា​ចោល​ឲ្យអស់ ហើយ​យកអ្វីដែលជារបស់យើងវិញ ។

ពលរដ្ឋខ្មែរបានហែលឆ្លងកាត់វាលសង្គ្រាមផ្ទៃក្នុងច្រើនសតវត្សមកហើយ តើយើងនៅតែបន្ត​ហែល​​ឆ្លងកាត់ទៀតឬ? ខ្មែរជាអ្នកខ្វះឬ សម្រាប់រើសមេដឹកនាំល្អម្នាក់មកគ្រប់គ្រងប្រទេសជាតិ?

ប្រយោគក្មែរ-ខ្មែរបានសរសេរថា "ខ្មែរនឹងរកមិនឃើញ​មនុស្សល្អម្នាក់ដោយ​គិតខុសថាជា​បុគ្គលសាមញ្ញ គ្មានអំណាច គ្មានលុយកាក់"។ ជនជាតិខ្មែរមិនអភ័ព្វទេ ពោលតែងខ្លាំង​ជានិច្ចនៅពេលបោះបង់ចោលគំនិតសង្ស័យ មិនជឿជាក់ មិនដើរតាម សូមឲ្យយល់ពាក្យ "ចង្កឹះមួយគេកាច់បាក់ ចង្កឹះមួយបាច់គេកាច់ពុំបាក់"។

ភាពអយុត្តិធម៌នៅតែបន្ត ហើយជនតូចតាចនៅតែគ្មានសិទ្ធិ ខ្មែររកពន្លឺមិនឃើញ ដូនតាអាម៉ាស់មុខ។ ចូរព្យាយាមស្រែករកយុត្តិធម៌និងសិទ្ធិអំណាចរបស់យើង៕
ប្រភព ៖ វ៉េត រដ្ឋា
ប្រភព៖ Pdachkar